جے پور: راجستھان کے وزیر کھیل اشوک چندنا، پیر کے روز کرنل کروڑی سنگھ بینسلا کے وسرجن پروگرام میں شرکت کے لیے پشکر پہنچے تھے، جہاں انہیں نہ صرف مخالفت کا سامنا کرنا پڑا، بلکہ بھیڑ سے کچھ لوگوں نے انہیں جوتے بھی دکھائے۔ یہی نہیں اسٹیج پر بوتلیں بھی پھینکی گئیں۔ اس واقعے سے ناراض اشوک چندنا نے اس کے لیے نہ صرف سچن پائلٹ کو ذمہ دار ٹھہرایا، بلکہ انتباہی الفاظ بھی کہے۔ Minister Ashok Chandna criticizes Sachin Pilot
اشوک چندنا اسٹیج پر موجود ہجوم سے زبانی لڑتے بھی دیکھے گئے، لیکن بعد میں جب اس واقعے کی ویڈیو وائرل ہوئی تو وہ اور بھی ناراض ہوگئے۔ اس کے بعد انہوں نے ٹویٹ کیا کہ 72 شہیدوں کو مارنے کا حکم دینے والے اس وقت کے کابینہ کے رکن راجندر راٹھوڑ اسٹیج پر آئے تو تالیاں بجیں اور اور جن کے اہل خانہ تحریک میں جیل گئے تھے ان پر جوتے پھینکے گئے۔ جس منچ پر جوتے پھینکے گئے اس پر شہداء کے اہل خانہ بھی بیٹھے تھے۔ کم از کم ان کا خیال تو کر لیتے۔
انہوں نے کہا کہ کرنل صاحب کی آخری رسومات کو داغدار کرنے والے لوگ کہاں تک جائیں گے؟ یہ وقت ہی بتائے گا. اس ٹویٹ کے بعد بھی چندنا پرسکون نہیں ہوئے، انہوں نے ایک اور ٹویٹ کیا اور اس معاملے کے لیے سچن پائلٹ کو کا ذمہ دار ٹھہرایا۔ تو راجستھان کی سیاست میں ہلچل تیز ہوگئی۔ Minister Ashok Chandna criticizes Sachin Pilot
مزید پڑھیں:
درحقیقت کچھ دیر پہلے اشوک چندنا نے ٹویٹ کر کے کہا کہ اگر سچن پائلٹ مجھ پر جوتا پھینکواکر وزیر اعلیٰ بن سکتے ہیں تو وہ جلد ہی بن جائیں کیونکہ آج مجھے لڑنے کا من نہیں ہے، جس دن میں لڑنے آؤں گا تو ایک ہی رہ جائے گا اور میں یہ چاہتا نہیں ہوں۔
