بریلی اور اجمیر کے چند علمائے کرام کے درمیان اختلاف کی کھائی گہری ہوتی جارہی ہے۔ دونوں ہی مرکز کے حوالے سے ایسے بیانات سوشل میڈیا پر جاری ہوتے رہے ہیں جس کی وجہ سے سنیت اور صوفیاء میں غلط فہمیاں پیدا ہوئی ہیں۔
بریلی اور اجمیر کے مابین اختلافات ختم کرنے کی پہل
اجمیر شریف پہنچے رضا اکیڈمی کے سربراہ محمد سعید نوری اور سلطان الہند کی بارگاہ کے خادموں کے انجمن کے سکریٹری سید واحد حسین انگارہ شاہ کے درمیان ایسے لوگوں پر لگام لگانے کو لے کر بات چیت ہوئی۔
بریلی اور اجمیر کے مابین اختلافات کو ختم کرنے کے لیے رضا اکیڈمی اور اجمیر درگاہ کے خادموں کی انجمن مضبوط قدم اٹھائے گی۔
واضح رہے کہ اجمیر شریف درگاہ میں عقیدت رکھنے والوں میں تمام مذاہب کے لوگ شامل ہیں یہی وجہ ہے کہ حضرت خواجہ غریب نواز رحمتہ اللہ علیہ کی بارگاہ سے سبھی کو ایک تسبیح کے دانوں کی مانند جوڑے رکھنے کا کام کیا جاتا رہا ہے۔
