راجستھان کے دارالحکومت جے پور میں ایک خبر تیزی سے وائرل ہورہی ہے جس میں بتایا جارہا ہے کہ جے پور کے دہلی روڈ پر واقع عید گاہ میں عید الاضحیٰ کی اجتماعی نماز ادا کی جائے گی۔
اس ویڈیو کے تعلق سے جےپور کے چیف قاضی خالد عثمانی نے کہا ہے کہ سوشل میڈیا پر جو بھی پیغام وائرل ہو رہا ہے وہ محض افواہ ہے، اس طرح کے کسی بھی پیغام پر یقین نہیں کریں۔
انہوں نے کہا کہ حکومت کی جانب سے جاری ایڈوائزری پر عمل کرتے ہوئے جے پور کی عید گاہ میں عیدالاضحیٰ کی نماز ادا نہیں کی جائے گی۔
مزید پڑھیں:
جے پور: عیدِ قرباں پر کووڈ گائیڈ لائن پر عمل کرنے کی اپیل
چیف قاضی خالد عثمانی نے کہا ہے کہ آج سوشل میڈیا کی وجہ سے ہم لوگ ذمہ داروں کی باتوں پر یقین نہیں کرتے اور سوشل میڈیا کو ہی سب کچھ سمجھ لیتے ہیں۔ ایسا نہیں ہونا چاہیے۔ انہوں نے عوام سے اپیل کرتے ہوئے کہا کہ جو بھی ایڈوائزری کورونا وبا کو لے کر حکومت کی جانب سے جاری کی گئی ہے اس پر مکمل طور سے عمل کیا جائے گا۔
