اجمیر: ضرورت مندوں میں راشن تقسیم

راجستھان کے شہر اجمیر میں جنت ویلفیئر ٹرسٹ کی جانب سے عیدالاضحی کے موقع پر ضرورت مندوں میں راشن تقسیم کیا گیا ہے تاکہ جو لوگ غریب ہیں وہ بھی عید کی خوشیاں منا سکیں۔

کورونا وائرس کی وجہ سے رواں برس عیدالاضحی کی خوشیاں بھلے ہی محدود ہوگئی ہوں۔ لیکن فریضہ حج کے پاکیزہ موقع پر ریاست راجستھان کے شہر اجمیر میں ضرورت مندوں کی خوشیوں میں چار چاند لگانے کے لیے بذریعہ جنت ویلفیئر ٹرسٹ کی جانب سے راشن کٹ تقسیم کیا گیا ہے۔

جنت ویلفیئر ٹرسٹ کے چیئرمین اور کانگریس رہنما حاجی محمود خان کے مطابق 251 ضرورت مندوں میں راشن کٹ تقسیم کیے گئے ہیں۔ راشن تقسیم کرنے کا خاص مقصد فریضہ حج اور عیدالاضحی کی خوشیوں میں سب کو شریک کرنا ہے۔

بتا دیں کہ جنت ویلفیئر ٹرسٹ کی جانب سے ہزاروں ضرورت مندوں کو لاک ڈاؤن میں بھی مدد کی گئی ہے۔ شہر سے لےکر دیہات تک راشن کٹ تقسیم کیے گئے ہیں۔ یہی وجہ ہے کہ اب حج اور عیدالاضحی کے موقع پر ضرورت مندوں کے ساتھ بھی خوشیاں منائی جارہی ہے۔