سزا سنتے ہی ملزم نے زہر پی لی

ریاست راجستھان کے ضلع کوٹا میں عدالت میں سزا سنتے ہی ملزم نے زہر کھالی۔ جہاں ہسپتال میں علاج کے دوران اس کی موت ہوگئ۔

نیاپور تھانہ پولیس نے نوجوان کی لاش کو ایم بی ایس اسپتال کے مردہ گھر میں رکھا ہے۔
اطلاعات کے مطابق کوٹا کے بپوار تھانہ علاقہ کے ڈوبری گاؤں کا رہنے والا 22 سالہ گوند نائیک پر چھیڑ چھاڑ کا الزام تھا۔جس کے تحت کوٹا کے پوکسو عدالت میں اس کا مقدمہ چل رہا تھا۔
گوند ضمانت پر رہا تھا اور سوموار کو ٹرائیل ہونے سے عدالت آیا تھا۔

واضح رہے کہ عدالت نے گوند کو مجرم مانتے ہوئے تین سال کی سزا سنائی تھی۔اس کے پاس زہر کی شیشی پہلے سے ہی موجود تھی اور سزا سنتےہی اس نے زہر پی لی۔پولیس کو اس بات کی اطلاع تب ہوئی جب دوسرے مقدمے کے دوران ملزم کو کٹگھرے میں لایا گیا اور گوند کو لے جانےلگی تو انہوں نے دیکھا کہ اس نے زہر پی لیا ۔پولیس نے مقدمہ درج کرکے آگےکی کارروائی شروع کردی ہے۔