اجمیر شریف سلطان الہند حضرت خواجہ غریب نوازؒ علیہ کی درگاہ کے بیگمی دالان کی چھت میں دراڑ پڑنے سے حادثے کا اندیشہ بنا ہوا ہے۔ اس واقعات کے بعد خادموں میں درگاہ کمیٹی کی کارکردگی پر ناراضگی دیکھی جارہی ہے، اجمیر شریف درگاہ کے بیگمی دالان کی چھت کے مختلف حصوں میں دڑار سے لوگوں میں خوف پیدا ہوگیا ہے۔
خادم ایس ایف مبین چشتی اور سید سلیم چشتی نے درگاہ کمیٹی پر الزام لگایا کہ 'انہوں نے چھت کمزور ہونے کے تعلق سے کئی مرتبہ انتظامیہ کو آگاہ کیا تھا، لیکن اس کے باوجود کوئی خاص توجہ نہیں دی جارہی ہے، جس کی وجہ سے کوئی بڑا حادثہ ہونے کا اندیشہ بنا ہوا ہے۔
مزید پڑھیں: قومی اقلیتی کمیشن کی ڈائریکٹر کی اجمیر درگاہ پر حاضری
درگاہ اجمیر کے خادموں کی ناراضگی اور ان کے الزام کے مدنظر درگاہ کمیٹی کے ناظم اشفاق حسین نے میڈیا کو بتایا کہ 'درگاہ شریف کی اندرونی عمارت کی مرمت کا کام چل رہا ہے، موسم کے مزاج کے مطابق عمارت کے حصوں کو درست کیا جارہا ہے۔ انہوں نے بتایا کہ بیگمی دالان کی چھت پر لگے ماربل میں دراڑیں آچکی ہیں، جسے انجینیئر کے مشورہ سے درست کرایا جارہا ہے، ایسے میں خادموں کی ناراضگی جائز نہیں ہے۔
