وقف بورڈ کے چیئرمین خانوں خان نے آج ضلعی سطح پر نمائندوں سے میٹنگ کی اور مرکزی وقف بورڈ کے تحت کرائےداروں سے کرایا دینے کی گزارش کی۔
درگاہ بازار موتی کٹلا مسجد کمیٹی دفتر میں میڈیا سے گفتگو کرتے ہوئے چیئرمین خانوں خان نے کہا کہ 24 مارچ سے کورونا وبا کے اس سخت دور میں بورڈ کی جانب سے مسجدوں کے امام اور کچی بستی کہ غریب لوگوں کی مدد کی گئی ہے۔
انہوں نے بتایا کہ اسی طرح اجمیر میں بورڈ کی زمین و جائیداد کو لے کر منصوبہ بنایا گیا ہے۔ اقلیتی طلباء کے لئے رہائش گاہ، تعلیم اور تجارت کے لیے مال تیار کروائے جائیں گے۔ اس کے علاوہ تمام وقف جائیداد پر قبضہ کر لوگوں سے گزارش کی جائے گی کہ وہ قبضہ چھوڑ دیں۔ اگر کوئی اس پر عمل نہیں کرتا ہے تو اس کے خلاف کارروائی کی جائے گی۔
خانو خان نے یہ بھی کہا کہ اجمیر کے فائساگر روڈ اور نصیرآباد جیسے علاقوں میں خالی پڑی زمین پر جلد فیصلہ لیا جائے گا۔ واضح رہے کہ مسجد کمیٹی دفتر موتی کٹلا میں خانو خان کا مقامی باشندوں اور اسٹاف نے استقبال کیا۔
