ریاست راجستھان کے دارالحکومت جے پور کے چار دروازے علاقے میں واقع حضرت مولانا ضیاء الدین رحمۃ اللہ علیہ کا 211 وے عرس مبارک منایا جا رہا ہے
ہر سال اس موقع پر لاکھوں کی تعداد میں عقیدت مند جمع ہوتے تھے لیکن اس سال کورونا کی وجہ سے عقیدت مندوں کی تعداد میں کافی کمی دیکھی جا رہی ہے، عرس کہ موقع پر درگاہ میں متعدد پروگراموں کا اہتمام کیا جاتا تھا لیکن اس بار کورونا کی وجہ سے تمام پروگراموں کو منسوخ کر دیا گیا ہے۔
اس تعلق سے درگاہ کے سجادہ نشین سید رضی الدین ضیاء الدین ضیائی نے بتایا کہ عالمی وباء کورونا کی وجہ سے جاری حکومت کی گائیڈ لائن اور انتظامیہ کی جانب سے دئے گئے آرڈر کا عرس مبارک میں مکمل طور پر خیال رکھا گیا ہے۔
سجادہ نشین نے بتایا کہ درگاہ میں آنے والے زائرین کو یہ ہدایت دی گئی ہے کہ وہ درگاہ میں تشریف نہیں لائیں بلکہ تمام جو روایت ہے وہ اپنے گھروں پر ہی ادا کریں۔
انہوں نے یہ بھی کہا کہ آج اس عرس کے موقع پر خاص طور سے دعا کورونا سے نجات پانے کے لیے کی گئی ہے، ضیاء الدین رحمتہ اللہ علیہ کے بارے میں معلومات دیتے ہوئے انہوں نے بتایا کہ اسلامی برس کے آخری ماہ ذیقعدہ میں پانچ روز تک یہ عرس مبارک منایا جاتا ہے، ان پانچ روز میں قوالی، قرآن خوانی، مشاعرہ اور دیگر پروگراموں کا اہتمام کیا جاتا ہے لیکن اس بار کورونا وبا کے مدنظر یہ تمام پروگرام منسوخ کر دیے گئے،
