جے پور میں مسلم تنظیموں کی جانب سے آج ایک بڑی ریلی بھی نکالی گئی۔ اس ریلی کو شانتی نگر علاقے کے شاہی مسجد سے روانہ کیا گیا اور یہ ریلی الگ۔ الگ علاقوں سے ہوتی ہوئی نہاری کے ناکا علاقے میں ختم ہوئی۔
اس ریلی کو پولیس کے اعلیٰ افسران کی جانب سے پرچم دکھا کر روانہ کیا گیا۔ اس درمیان سبھی بچوں نے اپنے ہاتھوں میں نشے نہیں کرنے کا پیغام دیتی ہوئی تختیاں لے رکھی تھی۔ وہیں ریلی میں کثیر تعداد میں طلبہ نے بھی حصہ لیا۔
اس پوری ریلی میں راجپوتانا یونانی میڈیکل کالج، جماعت اسلامی ہند شاستری نگر، راجستھان مسلم میڈیکل ویلفیئر سوسائٹی، مسلم یوتھ فارم، عیسائی اوشا سینگر سمیت دیگر تنظیموں نے حصہ لیا اس درمیان علاقے کے لوگ بھی موجود رہے۔
جماعت اسلامی ہند کے ریاستی سیکرٹری اقبال صدیقی نے بتایا کہ جےپور میں نشہ کافی زیادہ چل رہا ہے اس لیے اس ریلی کا اہتمام کیا گیا۔ اس ریلی کے ذریعے ہم عوام کو یہ پیغام دیں گے کہ نشے سے لوگوں کے گھر خراب ہو رہے ہیں۔ نشے کی وجہ سے واردات میں بھی کافی زیادہ اضافہ ہو رہا ہے۔
وہیں پولیس کے اعلیٰ افسران کے مطابق اس طریقے کی ریلی کے ذریعے اور مسجدوں میں نشے کو لے کر اعلان کروانے کا جو پیغام دیا جائے گا وہ کافی بہترین کام ہے۔ مسلم برادری کا اس فیصلے کا استقبال بھی کرتے ہیں۔
