دوسہ: کانگریس کے سابق صدر راہل گاندھی کی قیادت میں کنیا کماری سے کشمیر تک نکالی جانے والی کانگریس کی بھارت جوڑو یاترا ایک دن کے آرام کے بعد راجستھان کے دوسہ ضلع کے سیکرائی علاقے کے کالاکھو گاؤں سے آج صبح 8 بجے دوبارہ شروع ہوئی۔ راجستھان میں بھارت جوڑو یاترا کا 14واں ہے، ہفتہ کو آرام کرنے کے بعد اتوار کو یاترا دوبارہ شروع ہوئی۔ یاترا کے آغاز کے وقت میں آج نظر ثانی کی گئی اور اسے صبح 6 بجے کے بجائے 7.30 بجے شروع ہونا تھا لیکن یہ تقریباً 8 بجے شروع ہوئی۔ یاترا شروع ہونے سے پہلے ہی کانگریس لیڈروں اور لوگوں کی بھیڑ جمع ہوگئی اور لوگ یاترا کے تئیں زبردست جوش و خروش دکھا رہے ہیں۔ Bharat Jodo Yatra resume from Kalakho
وزیر اعلی اشوک گہلوت، کانگریس کے ریاستی صدر گووند سنگھ ڈوٹاسارا، سابق نائب وزیر اعلی سچن پائلٹ، کانگریس لیڈر کے سی وینوگوپال، جے رام رمیش، گورنمنٹ ڈپٹی چیف وہپ مہیندر چودھری اور کئی ایم ایل اے اور بہت سے دوسرے لیڈر راہل گاندھی کی یاترا میں شامل ہیں۔ یہ یاترا آج 23 کلومیٹر کا فاصلہ طے کرے گی اور اس دوران ریاست میں کانگریس حکومت کی کامیابیوں پر دوسہ کے سکندرا میں ایک نمائش کا اہتمام کیا گیا ہے اور راہل گاندھی دوپہر کے وقفے کے دوران اس کا دورہ بھی کریں گے۔ اس کے بعد یاترا سکندرا ٹول گیٹ سے دوپہر 3.30 بجے شروع ہوگی اور تقریباً 6.30 بجے بندیکوئی کے مکور پورہ چوراہے پر پہنچے گی۔ اس کے بعد باڈھ ناگواس میں قافلہ قیام کرے گا۔
یہ بھی پڑھیں: Bharat Jodo Yatra بھارت جوڑو یاترا تیس جنوری کو کشمیر میں ختم ہوگی
یو این آئی
