ایم آئی ایم کے صدر حیدر آباد سے رکن پارلیمان اسدالدین اویسی انتخابی مہم کے سلسلے میں دو روزہ دورے پر جے پور پہنچے۔ اس دوران جے پور کے جالو پوراہ علاقہ اور بھٹتہ بستی علاقے میں انہوں نے لوگوں سے ملاقات کی اور پارٹی دفتر پہنچ کر پارٹی کے عہدیدار اور کارکنان کے ساتھ میٹنگ کی۔ Asaduddin Owaisi on Two Day Rajasthan Visit
اسدالدین اویسی کے دارالحکومت جے پور پہنچنے کی اطلاع ملنے پر کافی زیادہ تعداد میں ان کے حمایتی پارٹی کے دفتر پہنچے۔ اور اسدالدین اویسی زندہ باد کے نعرے لگانے لگے۔اویسی دارالحکومت جے پور سے سیدھے سیکر کے لیے روانہ ہوئے جہا پر ایک بڑی ریلی کو وہ خطاب کریں گے۔ انہوں نے پارٹی کے دفتر میں میڈیا سے خطاب بھی کیا۔ انہوں نے کہا جے پور پہنچا ہوں اب پورے راجستھان کے الگ الگ علاقوں میں جاوں گا اور کتنےحلقوں پر پارٹی کے امیدواروں کو میدان میں اتارنا ہے اس کا جلد ہی اعلان کیا جائے گا۔ انہوں نے مرکزی حکومت، راجستھان کی کانگریس حکومت اور آر ایس ایس پر تنقید کی، انہوں نے کہا کہ جس طرح سے مدرسوں میں چیکنگ کی بات کی جاری ہے اسی طرح سے آر ایس ایس کے دفتروں کی بھی جانچ ہونی چاہیے، انہوں نے کہا کہ راجستھان میں کانگریس حکومت کسی طرح سے کوئی بھی کام نہیں کر رہی ہے۔ Owaisi on Rajasthan Assembly Election
