راجستھان کے دارالحکومت جے پور میں ہائی کورٹ کے آرڈر کے بعد موتی ڈونگری روڈ علاقے میں راجستھان پولیس اور بلدیہ کی جانب سے ایک مہم کے تحت غیرقانی قبضہ کو ہٹانے کی کاروائی کی گئی ہے۔
یہاں پر جن لوگوں نے سرکاری زمین پر غیرقانی قبضہ کر رکھا تھا ان غیرقانی قبضہ کو توڑا گیا لیکن اس کارروائی میں اب سوالیہ نشان کھڑے ہوتے ہوئے نظر آرہے ہیں۔
جے پور کے لوگوں نے پولیس اور بلدیہ پر الزام لگاتے ہوئے کہا کہ یہاں پر مذہب دیکھ کر کاروائی کی گئی ہے مسلمانوں کو بخشا نہیں گیا اور ہندو مذہب کے لوگوں کو چالان کاٹ کر روانہ کر دیا۔
وہیں، کچھ لوگوں کا یہ بھی کہنا تھا کہ ہماری جانب سے بلدیہ میں کئی مرتبہ خط بھی لکھا لیکن جن لوگوں پر کاروائی ہونی چاہیے تھی ان لوگوں پر کارروائی نہیں کی گئی۔
لوگوں کا کہنا تھا کہ اگر صحیح طرح سے کارروائی ہوتی تو یہ منظر دیکھنے کو نہیں ملتا۔
وہیں، اب جس طرح سے عوام نے پولیس اور بلدیہ پر الزام لگائے ہیں اس کے بعد اس کارروائی پر سوالیہ نشان کھڑا ہوگیا ہے۔
