راجستھان کے دارالحکومت جے پور میں آج 40 افراد پر مشتمل ایک وفد نے اجمیر شریف کے حاجی سیّد عمران چشتی کی صدارت میں سچن پائلٹ سے ان کے رہائش گاہ پر ملاقات کی۔
ڈیلیگیشن نے سچین پائلٹ کو راجستھان میں مسلم سماج کے ساتھ ہو رہے ظلم و ستم اور تعلیم و ترقی میں حکومت کی جانب سے کئے جارہے سوتیلہ رویہ سے آگاہ کرایا، جسے سچن پائلٹ نے سنجیدگی سے سنا اور بہت جلد اس سلسلہ میں وزیراعلیٰ سے بات کرنے کی یقین دہانی کرائی۔
وہیں ڈیلیگیشن نے گزشتہ دنوں اجمیر شریف میں شرپسندوں کے ذریعے مسلم نوجوان کے ساتھ پیش آئے تشدد کے معاملے کی بھی شکایت کی، جس پر سچن پائلٹ نے اس معاملہ میں سخت اقدامات کرنے کا تیقن دیا۔