بین الاقوامی سرحد سے دو کلو ہیروئن برآمد

بارڈر سیکورٹی فورس (بی ایس ایف) نے پنجاب میں ابوہر سیکٹر کی اگلی چوکی نیو غزنی والا میں بین الاقوامی سرحد کے نزدیک سے دو کلو ہیروئین برآمد کی ہے۔ جس کی قیمت بین الاقوامی بازار میں تقریبا دس کروڑ روپے سے زیادہ لگائی گئی ہے۔

بی ایس ایف کے ڈپٹی ڈائرکٹر جنرل اور ترجمان بھاسکر سنگھ راوت نے منگل کو یہاں جاری ریلیز میں بتایا کہ ریاست کے سرحدی علاقوں میں دہشت گردوں کی دراندازی کو دیکھتےہوئے بی ایس ایف پنجاب فرنٹیئر کے انسپکٹر جنرل مہیپال یادو کی ہدایات پر ریاست کی سرحدوں پر مزید سلامتی فورسوں کو تعینات کیا گیا ہے۔

بین الاقوامی سرحد سے دو کلو ہیروئن برآمد

انہوں نے بتایا کہ ابوہر سیکٹر کی اگلی سرحدی چوکی نیو غزنی والا میں پیر کی رات سرحد پر تعینات بی ایس ایف کی 124 بٹالین کے جوانوں نے کچھ مشتبہ سرگرمیاں دیکھیں۔انہوں نے بتایا کہ حالانکہ اندھیرے کی وجہ سے کچھ دکھائی نہیں دیا۔ بعد میں تلاشی مہم کے دوران جوانوں کو سرحد پر ہیروئین کے چار پیکٹ ملے جن کا وزن تقریبا دو کلوگرام تھا۔