ریاست پنجاب کے شہر امرتسر میں 'اینٹی ٹیررسٹ فرنٹ انڈیا' کے قومی صدر ویریش شیندیلیہ نے جمعرات کے روز وزیراعظم نریندر مودی اور وزیر داخلہ امت شاہ سے تینوں کسان زراعتی قوانین کو فوری طور پر منسوخ کرنے کا مطالبہ کیا۔
مسٹر ویریش شیندیلیہ نے یہ خدشہ ظاہر کیا کہ آئی ایس آئی، لشکر طیبہ، جیش محمد، خالصہ گروہ، بھنڈاروالہ کے حامی، اور ترسیم سنگھ موراولی نیز یوگراج سنگھ جیسے لوگ اور تنظیمیں کسانوں کی تحریک کو پرتشدد بنانے کی سازش کرسکتی ہیں۔
انہوں نے کہا کہ ملک کو توڑنے والی قوتیں، مذہب اور ذات پات کے نام پر فساد پھیلانے والی طاقتیں اور بےگناہ افراد کا لہو بہانے والی قوتیں ملک میں سرگرم ہیں اور وہ فساد کراکے کسانوں کی تحریک کو بدنام کرسکتی ہیں۔
مسٹر ویریش شیندیلیہ نے پنجاب کے وزیراعلی کیپٹن امریندر سنگھ کے اس بیان کی حمایت بھی کی جس میں انہوں نے ہریانہ کے وزیر اعلی منوہر لال کھٹر سے معافی مانگنے کا مطالبہ کیا ہے۔
انہوں نے کہا کہ سردی میں کسانوں پر واٹر کینن سے پانی مارنا اور ان پر لاٹھی چارج کرنا غلط ہے، اس لیے انہیں کسانوں سے معافی مانگنی چاہیے۔
