پلوامہ: سب ڈسٹرکٹ اسپتال ترال کے نزدیک واتل آرا نامی نالے پر تعمیر کیا گیا عارضی پل ڈہہ جانے سے درجن بھر دیہات کا تحصیل صدر مقام سے زمینی رابطہ منقطع ہو چکا ہے۔ پُل نہ ہونے کے سبب لوگوں کو عبور و مرور میں سخت مشکلات کا سامنا کرنا پڑ رہا ہے۔ پُل کی عدم موجودگی کے سبب لوگوں کو کئی کلومیٹر کی مسافت طے کرنا پڑتی ہے یا پیدل نالہ پار کرنے کا جوکھم اٹھانا پڑتا ہے۔Tral Residents Demand Bridge Construction on Watal Nallah
ای ٹی وی بھارت کے ساتھ بات کرتے ہوئے مقامی باشندوں نے بتایا کہ حالیہ بارشوں کے دوران واتل آرا نالہ پر تعمیر کیا گیا عارضی پل ڈہہ گیا جس کے سبب لوگوں کو سخت مشکلات سے جوجھنا پڑ رہا ہے۔ انہوں نے کہا کہ عارضی پل ڈہہ جانے سے لوگوں کو عبور ومرور میں دقتوں کا سامنا ہے اور لوگوں کو مجبوراً نالے کو پیدل پار کرنا پڑتا ہے۔Bridge Construction on Watal Nallah
مقامی باشندوں نے ای ٹی وی بھارت کے بتایا کہ نالہ پر اب تک کئی مرتبہ عارضی پل تعمیر کیا گیا جو بارشوں یا ندی میں طغیانی کے دوران ڈہہ جاتا ہے۔ جس کے بعد کئی دیہات بشمول پنگلش، چڑی بگ، کویل، شکارگاہ، ناگہ واڈی اور دیگر دہیات کے باشندوں کو مین ٹاؤن ترال یا سب ضلع اسپتال جانے کے لیے مختصر طویل مسافت طے کرنا پڑتی ہے۔
انہوں نے مزید کہا کہ اس سب کے باوجود یہاں ایک پل کی تعمیر کا معاملہ برسوں سے زیر التوا ہے ہے اور انتظامیہ ہر بار لیت ولعل کا مظاہرہ کر رہی ہے۔ مقامی آبادی نے مانگ کی ہے کہ اس بڑے نالے پر ایک پل کی تعمیر جلد از جلد ممکن بنائی جائے تاکہ لوگوں کو مزید مشکلات کا سامنا نہ کرنا پڑے۔
مزید پڑھیں: No Bridge in Angai Koti, Gurez: گریز میں پُل کی عدم دستیابی، عوام کو دقتوں کا سامنا
