پلوامہ ضلع ہسپتال میں آج ایک شخص نے خاموش احتجاج شروع کیا۔ احتجاج کرنے والے شخص نے کہا کہ ضلع ہسپتل پلوامہ میں اثر رسوخ کی بنیادوں پر ٹیکہ کاری کی جا رہی ہے۔
یاسر حنیف نامی اس شحص نے کہا کہ 'میں اپنے گھر والوں کے ساتھ ویکسین لگوانے کے لئے ضلع ہسپتال پلوامہ آیا تھا۔ ڈیوٹی پر مامور عملے نے مجھے نماز کے بعد آنے کے لیے کہا، جبکہ باقی افراد کو جو میرے بعد آئے تھے انہیں ویکسین لگائی گئی۔ اس لیے میں احتجاج کرنے پر مجبور ہو گیا ہوں'۔ انہوں نے ضلع انتظامیہ سے اپیل کی کہ وہ اس مسئلہ کو سنجیدگی سے لے اور ہسپتال عملے کے خلاف کاروائی کرے۔
احتجاج کے دوران چیف میڈیکل افسر پلوامہ ڈاکٹر حسینہ پہنچیں۔ انہوں نے احتجاجی کو یقین دہانی کرائی کہ عملے کے خلاف کارروائی کی جائے گی۔ اس کے بعد احتجاج ختم کرایا۔
یہ بھی پڑھیں: پلوامہ: کورونا گائیڈلائن کی پاسداری کرنے کے لیے اجلاس
خیال رہے ملک میں کورونا وائرس کی دوسری لہر تیزی سے پھیل رہی ہے۔ مرکزی سرکار نے تمام انتظامیہ کو ہدایت جاری کی ہے کہ وہ کورونا وائرس کی روک تھام کے لیے ویکسینیشن میں تیزی لائیں۔ انتظامیہ کی جانب سے اعلانات کیے جاتے ہیں کہ ہر ایک فرد ویکسین لگوانے کے لیے مطعلقہ سینٹرز پر جائے اور ویکسن لگوائے تاکہ اس مہلک بیماری سے لوگوں کو محفوظ رکھا جا سکے۔
