کیا پلوامہ کا دودھ مرگ گاؤں سرکاری نقشے پر موجود نہیں، مقامی لوگوں کا سوال

جنوبی ضلع پلوامہ کے ترال علاقے سے دس کلو میٹر کی دوری پر واقع گجر بستی دودھ مرگ میں بنیادی سہولیات کا فقدان ہے جس کی وجہ سے لوگوں کا کفی مشکلات کا سامنا ہے۔

ایل جی انتظامیہ کے بلند بانگ دعوں کے باوجود جنوبی کشمیر کے ترال علاقے میں واقع ایک دور افتادہ گجر بستی دودھ مرگ میں بنیادی سہولیات کا فقدان ہونے سے عوام کو زبردست مشکلات کا سامنا ہے۔

انتظامیہ کی طرف سے اس علاقے کو نظر انداز کرنے پر جہاں مقامی لوگ سراپا احتجاج ہیں وہیں یہ لوگ ان سیاست دانوں کو بھی کوس رہے ہیں جو انتخاب کے موقع پر ان کو سبز باغ دکھا کر اقتدار پر قابض ہو جاتے ہیں اور بعد میں ان لوگوں کو خدا کے رحم و کرم پر چھوڑ دیتے ہیں۔

مقامی لوگوں کا کہنا ہے کہ یہ گاوں سرکاری نقشے پر موجود نہیں ہیں۔

واضح رہے کہ انتہائی خوبصورت پہاڈیوں کے دامن میں واقع دودھ مرگ گاوں سب ضلع صدر مقام ترال سے محض دس کلومیٹر دور ہے۔