پوری وادی کے ساتھ ساتھ ضلع پلوامہ میں بھی عید الاضحیٰ کے موقع پر لاک ڈاؤن نافذ رہا جس کے پیش نظر قصبہ پلوامہ کے پارک بند رہے۔
پلوامہ: عید الاضحیٰ کے موقع پر پارک سنسان
عید کے موقع پر جموں و کشمیر بینک کی جانب سے تعمیر کرائے گئے پارک میں کافی بھیڑ ہوا کرتی تھی لیکں لاک ڈاؤن کے باعث پارک بند ہونے سے بچے سڑکوں پر یا اپنے گھر کے قریب کھیلتے ہوئے دکھائی دیے۔ پلوامہ کے دیہی علاقوں کے باشندے بھی اس پارک میں عید کے موقع پر جمع ہوتے تھے اور اس کا لطف اٹھاتے تھے لیکن آج پارک کے بند ہونے پارک کے قریب سب کچھ سنسان دکھائی دیا۔
مقامی بچوں کا کہنا ہے کہ ہم پارک میں اپنے دوستوں کے ساتھ عید کی خوشیاں منانے جاتے تھے تاہم کورونا وائرس اور لاک ڈاؤن کی وجہ سے گھروں کے اندر ہی بیٹھے ہیں اور ہمیں گھر والے بھی باہر نہیں جانے دیتے ہیں۔
