جنوبی کشمیر کے ضلع پلوامہ کے لیتر نامی علاقہ میں آج نیشنل کانفرنس کی جانب سے ایک عوامی رابطہ مہم شروع کی گئی جس میں علاقہ کے لوگوں نے کثیر تعداد میں شرکت کی،نیشنل کانفرنس کے رہنماؤں نے لوگوں سے انتخابات میں بڑھ چڑھ کر حصہ لینے کی اپیل کی ۔اس عوامی رابطہ مہم میں ہزاروں کی تعداد میں لوگوں کے شرکت کے علاوہ سابق رکن اسمبلی محمد خلیل بند،نیشنل کانفرنس کے ضلع صدر و سابق ایم ایل اے غلام محیددین میر اور ڈی ڈی سی وائس چیئرمین مختار احمد بند نے شرکت کی۔National Conference criticized the BJP
لیتر علاقے کے لوگوں نے سیاسی رہنماؤں کے سامنے اپنے مسائل اور پریشانیوں کا ذکر کیا،رہنماؤں سے ان شکایات اور مسائل کو ترجیحی بنیادوں پر حل کرنے کا مطالبہ کیا۔اس موقع پر رہنماؤں کی جانب سے یہ کہا گیا ان تمام تر مسائل اور پریشانیوں کا حل انتخابات میں مضمر ہے،لہذا زیادہ سے زیادہ عوام انتخابات میں حصہ لیں۔
اس ضمن میں محمد خلیل بند نے کہا کہ افسر شاہی اور ون مین رول عوامی حکومت کا متبادل نہیں ہوسکتا ہے۔انہوں نے کہا کہ نیشنل کانفرنس جمہوری عمل میں یقین رکھتی ہے، ہم انتخابات پر یقین رکھتے ہیں، اسی لئے ہم بار بار کہتے ہیں جب حکومت یہ دعوی کرتی ہے کہ یہاں سب کچھ ٹھیک ہے تو پھر انتخابات کیوں نہیں کرائے جاتے ؟انہوں نے کہا کہ جموں کشمیر میں انتخابات کرائے جائیں،انہو ں نے کہا کہ جموں خطہ میں بھی بی جے پی کی سیاسی ساکھ خطرہ میں ہے ۔
اس سلسلے میں غلام محی الدین میر نے کہا کہ نیشنل کانفرنس کی جانب سے جو عوامی رابطہ مہم شروع کی گئی ہے اس کا مقصد ہے کہ ہم عوام کے مشکلات کے بارے میں جانکاری حاصل کرسکیں۔ انہوں نے کہا کہ اس وقت ضلع پلوامہ بجلی فیس میں کافی اضافہ کیا گیا، چار سو پانچ سو روپیہ اضافہ کیا گیا ہے۔
انہوں نے کہاکہ انتخابات میں لوگ بڑھ چڑھ کرحصہ لیں، اپنی شناخت اپنا تقدس کے لیے اپنے عزت کو بجانے کے لئے انتخابات میں حصہ لینا ضروری ہے۔انہوں نے کہا کہ ضلع پلوامہ کے عوام کو سب سے زیادہ مشکلات کا سامنا کرنا پڑا ہے، چاہے پانی کا مسئلہ ہو یا پھر دیگر مسائل ہوں۔یہاں بات قابل ذکر ہے کہ دفعہ 370 اور 35 اے کی منسوخی کے بعد آج پہلی بار نیشنل کانفرنس کی جانب سے اس طرح کی میٹنگ منعقد کی گئی ہے۔
مزید پڑھیں:کولگام میں عوامی رابطہ مہم کے تحت پروگرام کا انعقاد
