جنگلات کا عالمی دن: جنگلات کا تحفظ ہماری ذمہ داری ہے

ترال کے معروف ماہر ماحولیات ڈاکٹر رفیق احمد راتھر جنگلات کا عالمی دن کی مناسبت سے کہا کہ جنگلات ماحولیاتی آلودگی کو ختم کرنے میں ایک پل کا کردار ادا کرتے ہیں اور جنگلات کی ہی وجہ سے ہم ایک خوشحال زندگی ممکن ہے اس لیے جدید دور میں جنگلات کا تحفظ سب سے اہم مسئلہ ہے۔

ترال کے معروف ماہر ماحولیات ڈاکٹر رفیق احمد راتھر جنگلات کا عالمی دن کو منانے کا مقصد بتاتے ہوئے کہا کہ معاشرے کا ہر فرد جنگلات کے تحفظ کے لیے آگے آنا چاہئے، کیونکہ جنگلات ہی ماحول کی آلودگی کو دور کرنے میں ایک پل کا کردار ادا کرتے ہیں،

انھوں نے کہا کہ جنگلات کی اہمیت سے کسی کو انکار نہیں ہو سکتا ہے کیونکہ جدید دنیا میں جنگلات کا بچاو ایک اہم ایشو بنا ہوا ہے اور جنگلات ہی کی وجہ سے ہمارے کھیت لہلہا رہے ہیں۔

ڈاکٹر رفیق راتھر نے بتایا کہ کشمیر کے معروف صوفی بزرگ شیخ العالم ؒ نے سینکڑوں برس قبل ہمیں جنگلات کی اہمیت کا سبق سکھایا ہے، لہذا ضرورت اس بات کی ہے کہ آج کے دن ہم عہد کریں کہ جنگلات کے بچاو کیلئے اپنے آپ کو وقف رکھیں۔

واضح رہے کہ ہر برس جنگلات کا عالمی دن 21 مارچ کو دنیا بھر میں منایا جاتا ہے، اس دن کو ہر طرح کے جنگلات کی اہمیت کے بارے میں شعور بیدار کرنے کے لیے منایا جارہا ہے۔

اس دن ممالک کو جنگلات اور درختوں سے متعلق سرگرمیوں کو منظم کرنے کے لیے مقامی، قومی اور بین الاقوامی کوششیں کرنے کی ترغیب دی جاتی ہے۔ ان سرگرمیوں میں درخت لگانے کی مہمات بھی شامل ہیں۔

ہر سال جنگلات کے تحفظ کے لیے ایک تھیم دی جاتی ہے اور اس سال جنگلات کا عالمی دن کا مرکزی تھیم: جنگلات اور حیاتیاتی تنوع ہے۔