حالیہ دنوں بجلی کرنٹ لگنے سے محکمہ پی ڈی ڈی کے متعدد ملازمین کی موت واقع ہوئی ہے جبکہ بعض ملازمین شدید طور پر زخمی بھی ہوئے ہیں۔
حادثات کو مد نظر رکھتے ہوئے محکمہ پی ڈی ڈی نے منگل کو جنوبی کشمیر کے قصبہ پانپور میں الیکٹریشنز کے لئے ایک منفرد قسم کا پریکٹیکل ٹرینگ و جانکاری کیمپ منعقد کیا۔
اس موقع پر الیکٹریشنز کو مختلف مقامات پر نصب کیے گئے بجلی ٹرانسفارمر اور ترسیلی لائنز کی مرمت کے دوران حفاظتی اقدامات سے متعلق پریکٹیکل ٹریننگ دی گئی۔ الیکٹریشنز کو فرائض کی انجام دہی کے دوران حادثات سے بچائو کے طریقوں سے بھی آشنا کیا گیا۔
یہ بھی پڑھیں: بجلی ملازمین کو سیفٹی ٹول کٹس فراہم کرنے کا مطالبہ
الیکٹریشز کو مرمت کے دوران کرنٹ سے خود کو اور صارفین کو محفوظ رکھنے، مختلف الکٹریکل اوزاروں کے استعمال کے بارے میں بھی ضروری جانکاری فراہم کی گئی۔
اس موقعے پر محکمہ کے جونئر انجینیر زبیر احمد نے اس ٹریننگ کی افادیت کے متعلق تفصیلات فراہم کرتے ہوئے کہا کہ حالیہ دنوں رونما ہوئے مختلف حادثات کے پیش نظر الیکٹریشنز کو محکمہ بجلی کی جانب سے عملی طور تربیت فراہم کی جا رہی ہے۔
