میڈیا رپورٹز کے مطابق دھونی حساس ترین ضلع پلوامہ میں باقی اہلکاروں کی طرح گشت، گارڈ ڈیوٹی وغیرہ کا کام انجام دیں گے۔
وہ فوج کی 160 پیرا کی یونٹ کے ساتھ رہ کر ان کی کاروئیوں کا حصہ بنے ہیں۔ اور آئندہ دو ہفتوں تک مسلسل ایک فوجی کی حیثیت سے ڈیوٹی انجام دیں گے۔ یہ یونٹ وکٹر فورسز کا ایک حصہ ہے۔
بھارتی ٹیم کے سابق کپتان دھونی مہیندر سنگھ دھونی کو لیفٹننٹ کرنل کا اعزاز 2011 میں ملا تھا۔ وہ ایک تربیت یافتہ پیرا ٹرووپر بھی ہیں۔
انہوں نے بحیثیت کپتان سنہ 2011 میں عالمی کپ کو بھی ٹیم کی جھولی میں ڈالا ہے اور وہ کامیاب ترین کپتانوں میں شمار کیے جاتے ہیں۔
انہیں ملک کے تیسرے سب سے بڑے اعزاز پدم بھوشن سے بھی نوازا گیا ہے۔
اب دھونی کچھ دنوں تک کرکٹ گراؤنڈ میں نہیں بلکہ فوج کے قافلے کے ساتھ ملک کے سلامتی دستوں کے ساتھ نظر آئیں گے اور ان کا یہ لکُ بھی دیکھنا دلچسپ ہوگا۔
