جنوبی کشمیر کے سب ضلع ترال میں باغ مالکان کو نئی تیکنالوجی سے روشناس کرانے اور انہیں باغبانی کی طرف راغب کرنے کے لیے آج ہاٹیکلچر آفس ترال میں ایک تقریب منعقد ہوئی.
تقریب میں درجنوں باغ مالکان میں سیبوں کے چار چار پیڑ مفت تقسیم کیے اور انکو باغبانی کے متعلق مختلف معلومات دی گئی۔
بیک ٹو ہاٹیکلچر کے اس پروگرام میں عام لوگوں کی ایک بڑی تعداد نے شرکت کی اس کے بعد باغ مالکان کے لیے ایک آگاہی کیمپ بھی منعقد کیا گیا جس میں میوہ صنعت کو بڑھاوا دینے کے لیے کسانوں کو مخطلف طریقے سکھائے گئے۔
میڈیا سے گفتگو کرتے ہوئے ہاٹیکلچر ڈیولپمنٹ آفیسر ترال سید مدثر بخاری نے بتایا کہ ہاٹیکلچر محکمے کی جانب سے آج ترال میں دو پروگرام منعقد کیے گئے جس میں تین ہزار پیڑ باغ مالکان میں تقسیمِ کیے گئے اور انھیں ایک صحت مند اور ثمر آور باغبانی کے لیے طریقے بتائے گیے۔
واضح رہے کہ سب ضلع ترال میں گزشتہ کئی برسوں کے دوران ہاٹیکلچر صنعت کا دایرہ کافی وسیع ہو گیا ہے اور عام لوگوں کی ایک بڑی تعداد اس صنعت کی طرف متوجہ ہوئی ہے۔
