اطلاعات کے مطابق ایک سینٹر 'کونگ پوش' نامی ہوٹل میں کھولا گیا ہے۔ وہیں دارالعلوم شاہ مدان پانپور میں بھی 25 بیڈز والا قرنطینہ سینٹر کھولا گیا ہے۔
انتظامیہ نے دو مزید مقامات پر قرنطینہ سینٹر قائم کیے ہیں
تحصیلدار پانپور اشتیاق محی الدین نے بتایا کہ 'ای ڈی آئی پانپور میں پہلے ہی ایک قرنطینہ سینٹر کھولا گیا ہے جبکہ مزید دو مقامات پر تقریباً 150 بیڈز کی قرنطینہ سہولیات پانپور قصبے میں مہیا رکھی گئی ہے۔'
تاہم انہوں نے عوام سے اپیل کی ہے انتظامیہ سے کورونا وائرس کے خطرات کے پیش نظر تعاون کریں کیونکہ بہت سے افراد ٹریول ہسٹری کو چھپانے کی کوشش کر رہے ہیں۔
واضح رہے کہ وادی میں کورونا وائرس کا ایک کیس مثبت آنے کے بعد لاک ڈاؤن جاری ہے اور ہر سُوں سناٹا چھایا ہوا ہے۔
