پانپور میں بلاک دیوس پروگرام منعقد

جنوبی ضلع پلوامہ کے قصبہ پانپور کے ٹاون ہال میں آج بلاک دیوس پروگرام منعقد کیا گیا جس دوران لوگوں نے اپنے مطالبات و شکایات انتظامیہ کے مختلف محکموں کے سامنے رکھے۔

پروگرام کےدوران قصبہ پانپور کے مختلف علاقوں سے آئے ہوئے لوگوں اور وفود نے متعلقہ علاقے کی شکایات درج کروائے، تاکہ تعمیر و ترقی کے لحاظ سے انہیں مشکلات کا ازالہ ہو سکے اور ان کے علاقے میں ترقی کا نیا دور شروع ہو جائے۔

پروگرام میں اے ڈی سی اونتی پورہ، بلاک ڈیولپمنٹ افسر پانپور اور دیگر محکموں کے افسران بھی موجود رہے۔پروگرام کے دوران اے ڈی سی اونتی پورہ ظفر احمد شال نے لوگوں کو یقین دہانی کرائی کہ اُن کے جاٸز مطالبات جلد ہی حل کیے جائیں گے۔

انہوں نے کہا کہ یہ پروگرام لوگوں تعمیر وترقی کے لیے بہترین ذریعہ ہے اور لوگوں کو متعلقہ علاقے کے شکایات یہاں درج کرانے چاہیے تاکہ ہر گاوں میں تعمیر وترقی کو ممکن بنایا جا سکے۔