ترال میں بیٹی بچاؤ کے تحت ریلی

جنوبی کشمیر کے ترال میں ای سی ڈی ایس محکمے کی جانب سے عوام میں بیٹیوں کو بچانے کے لیے آگاہی فراہم کرنے کی غرض سے ایک ریلی کا انعقاد کیا گیا۔

اس ریلی میں درجنوں آنگن واڑی ورکرس نے شرکت کی۔ آنگن واڈی ورکرس ہاتھوں میں بینر اٹھا رکھے تھے جن میں بیٹیوں کو بچانے کے حوالے سے نعرے درج تھے ریلی کا مقصد تھا کہ سماج میں بیٹیوں کو خاص مقام دینے کے حوالے سے عوام میں آگاہی پھیلانا تھا۔

ای سی ڈی ایس کے ایک عہدیدار گلزار احمد ڈار نے بتایا کہ ان کا محکمہ عوام میں بیٹی کو مناسب درجہ دینے کے لیے بہت کچھ کر رہا ہے لاڈلی بیٹی اور دیگر اسکیمیں اس محکمے نے پہلے ہی رائج کی ہیں۔

انہوں نے کہا کہ کہ موجودہ دور میں لڑکیاں لڑکوں سے آگے بڑھ گئی ہیں لیکن نہ جانے کیوں کر پھر بھی بہت سارے لوگ ابھی بھی لڑکوں کو ہی فوقیت دے رہے ہیں۔

واضح رہے کہ آنگن واڑی محکمے میں کام کر رہی ورکرس ایک عرصے سے تنخواہوں سے محروم ہیں۔