ترال:شب قدر اور جمعتہ الوداع کی تقریبات سے قبل ترال کے بازاروں میں اشیاء خوردونوش کی قیمتوں کو اعتدال پر لانے کے لیے آج ایم سی ترال نے ایگزیکٹو آفیسر منظور احمد کی ہدایات پر ترال بالا اور اولڈ مارکیٹ میں مارکیٹ چیکنگ کی۔Market Checking in Tral
اس دوران چیکنگ اہلکاروں نے نہ صرف گلی سڑی سبزیوں کو ضائع کیا بلکہ زائد المعیاد اشیاء اور پالتھین کی ایک بڑی مقدار کو ضائع کیا جبکہ خلاف ورزی کرنے والے دکانداروں سے ہی جرمانہ بھی وصول لیا گیا۔عوامی حلقوں نے جہاں میونسپل کمیٹی ترال کی اس کاوش کی سراہنا کی وہیں انھوں نے عید الفطر تک اس قسم کی چیکنگ جاری رکھنے کی اپیل کی۔
یہ بھی پڑھیں:
اس موقع پر میونسپل کمیٹی کے ایک عہدیدار فاروق احمد نے بتایا کہ عوام کو سرکاری نرخوں پر ہی ضرورت کا سامان خریدیں اور ناجائز منافع خوری کی شکایت ملنے پر ان سے رابطہ کریں تاکہ قصور والوں کے خلاف کارروائی کی جا سکے۔
