پلوامہ: پانپور میں کووڈ 19 کے 261 معاملے

اس دوران 9 افراد ہلاک اور 127 مریض مکمل طور پر صحتیابی کے بعد اسپتال سے ریلیز ہوئے ہیں۔

کورونا وائرس جیسی مہلک بیماری سے آئے روز جموں کشمیر کے تقریباً ہر ضلع میں مثبت کیسوں کے علاوہ اموات کی شرح میں بھی اضافہ ہوتا جا رہا ہے وہیں ضلع پلوامہ کے ہیلتھ بلاک پانپور میں بھی اس کرونا وائرس جیسی مہلک بیماری کا قہر جاری ہے۔ ہیلتھ بلاک پانپور میں آج تک کرونا وائرس کی وجہ سے 9 لوگوں کی موت واقع ہوئی ہے۔

بلاک میڑیکل افسر پانپور کے مطابق اب تک ہیلتھ بلاک پانپور میں 261 مثبت معاملے سامنے آئے ہیں جن میں سے 127 مریض مکمل طور پر صحتیاب ہو چکے ہیں جبکہ 126 افراد ابھی بھی فعال ہے جو مختلف قرنطینہ سنٹروں میں موجود ہیں۔بلاک میڑیکل افسر نے کہا کہ جن 9 لوگوں کی موت ہو گئی ہے اُن میں سے قصبہ پانپور سے صرف دو افراد وابستہ ہیں جبکہ دیگر افراد کی وابستگی قصبہ کے مضافات سے واقع ہے۔بی ایم او نے کہا کہ کل بھی سامبورہ گاؤں میں ایک پچاسی سالہ افراد کی موت واقع ہوئی ہے جو ایس ایم ایچ ایس ہسپتال میں زیرعلاج تھا۔بلاک میڑیکل افسر گلزار احمد نے لوگوں سے اپیل کی ہے کہ وہ ہیلتھ ایڑوائزری پر عمل کریں تاکہ اس بیماری کو مزید پھیلنے سے روکا جا سکے۔