منڈی: کووڈ 19 کے دو سال بعد اس سال پھر جموں و کشمیر میں بڈھا یاترا زور و شور سے شروع ہوگئی ہے۔ اسی سلسلہ میں ضلع پونچھ کی تحصیل منڈی کے بڈھا امرناتھ یاترہ بھی قریب 29 جون سے شروع ہونے جارہی ہے۔ جس کے متعلق ضلع ترقیاتی کمیشنر پونچھ کی جانب سے ضلع ہیڈ کواٹر پر میٹنگ منعقد کرنے کے بعد آج جموں و کشمیر پولیس کی جانب سے ڈاک بنگلو میں سیول سوسائٹی اور دیگر عوامی نمائیندگان کے ساتھ ایک اہم میٹنگ کا اہتمام کیا گیا۔ Baba Budha Amarnath Yatra
میٹنگ کے دوران بدھا امرناتھ یاترا کو کامیاب طریقے سے انجام تک پہنچانے پر زور دیا گیا۔ میٹنگ ایس ایچ او منڈی بشیر کوہلی کی زیر قیادت میں کی گئی۔ اس موقع پر سیول سوسائٹی ودیگر عوامی نمائندگان نے انتظامیہ کو یقین دلایا کہ یاترا ہمیشہ کی طرح کامیابی سے انجام پائے گی۔ اور آئندہ بھی آنے والی جتنی یاترآئیں ہیں، ان کو کامیاب بنانے میں ہم پیش پیش رہیں گے۔ انہوں نے کہا کہ یہاں مسلم اکثریت ہوتے ہوئے بھی مندر کی دیکھ بھال اور یاتریوں کا استقبال کیا جاتا ہے۔ SHO mandi organised a meeting
اس دوران ایس ایچ او منڈی نے تمام لوگوں پر زور دیا کہ وہ یاترہ کو کامیاب بنانے پر انتظامیہ کا بھرپور ساتھ دیں، تاکہ صدیوں پرانی روائیت کو برقرار رکھا جائے۔ ان کے علاوہ پنڈت ارون کمار نے آنے والے یاتریوں سے اپیل کی ہے کہ جو غلط افواہیں پھیلائی گئی ہیں، ان پر دھیان نہ دیتے ہوئے بغیر کسی ڈر کے بڈھا امرناتھ یاترا خوشی خوشی سے کر کے جا سکتے ہیں۔
یہ بھی پڑھیں:
Amarnath Yatra Health Advisory: امرناتھ یاتریوں کے لیے صحت ایڈوائزری جاری
