منڈی: ضلع پونچھ کی تحصیل منڈی کے علاقہ جالیاں اعظم آباد میں گزشتہ شب آتشزدگی کی ہولناک واردات میں تین منزلہ رہائشی مکان جل کر خاکستر ہوگیا ہے ۔مکان میں لاکھوں کا ساز و سامان جل کر راکھ کی ڈھیر میں تبدیل ہوا۔ متاثرین کے مطابق اس مکان میں تین کنبے مقیم تھے جو کہ قریب بیس سے پچیس افراد پر مشتمل تھے۔ Fire In Mandi Poonch
تفصیلات کے مطابق منڈی کے جالیاں اعظم آباد علاقہ میں گزشتہ روز پیر سید خورشید احمد ولد پیر خادم حسین نامی شخص کے رہائشی مکان میں شب اچانک آگ لگ گئی۔ اگ اتنی بیانک تھی کہ کچھ ہی منٹوں میں آگ نے پورے مکان کو لپیٹ میں لے لیا۔اگرچہ اس دوران کوئی بھی جانی نقصان نہیں ہوا، تاہم مکان میں لاکھوں کا ساز و سامان جل کر راکھ کے ڈھیر میں تبدیل ہوا۔
آگ کو قابو کرنے کے لیے پولیس، فائر اینڈ ایمرجنسی سروسز، بی ایس ایف اور مقامی لوگوں نے کوشش کی اور سخت مشقت کے بعد آگ کو قابو کر لیا۔اس حوالے سے مقامی لوگوں نے متاثرہ خاندانوں کے لیے امداد کی اپیل کی۔لوگوں کے مطابق اگرچہ انتظامیہ نے امداد دینے کی یقین دہانی کی تاہم ابھی تک متاثرہ کو امداد نہیں دی گئی۔
مزید پڑھیں: PDD Office Bijbehara Gutted: بجبہاڑہ میں محکمہ بجلی کا دفتر خاکستر
