پونچھ: منڈی میں پرائیویٹ سکول ایسوسی ایشن پونچھ کی میٹنگ

میٹنگ میں مقررین نے کہا کہ پچھلے دو سال سے تمام نجی اسکول بند ہیں اور اس وقت جو اکیڈمی کی فائلوں کا معاملہ ہے اور ڈائریکٹر آفس میں اسکول کی فائل طلب کی جارہی ہیں۔ لیکن اس وقت یہ فائل بناکر جمع کروانا بہت مشکل ہے، کیوں کہ اس وقت اسکول بند ہونے کی وجہ سے عملہ موجود نہیں ہے۔

ضلع پونچھ کی تحصیل منڈی میں نجی سکول کے متعدد ذمہ داروں نے جامعہ فیض القران قاسمی مارکیٹ منڈی میں ایک ہنگامی میٹنگ کا اہتمام کیا۔

میٹنگ کے شرکا اور مقررین نے نجی اسکولوں کے تعلق سے کئی مسائل اور مشکلات کو اجاگر کیا گیا۔ انہوں نے کہا کہ پچھلے دو سال سے تمام نجی اسکول بند ہیں اور اس وقت جو اکیڈمی کی فائلوں کا معاملہ ہے اور ڈائریکٹر آفس میں اسکول کی فائل طلب کی جارہی ہیں۔ لیکن اس وقت یہ فائل بناکر جمع کروانا بہت مشکل ہیں، کیوں کہ اس وقت اسکول بند ہونے کی وجہ سے عملہ موجود نہیں ہے۔ اس کے علاوہ نجی سکول کو بہت ساری دیگر مشکلات کا سامنا ہے، جس کو لیکر ایک ایسوسی ایشن تشکیل دینے کے لئے بھی یہ میٹنگ اہم تھی۔

مزید بات کرتے ہوئے پرنسپل ہائی اسکول جامعہ ضیاالعلوم پونچھ نے کہا کہ میٹنگ کے توسط سے حکام بالا سے یہ اپیل کی ہے کہ سرکاری اسکولوں کی طرح نجی اسکولوں کو بھی چھوٹ دی جائے اور فائلوں کے لوازمات میں کمی کی جائے اور فائل میں پانچ سے بڑھا کر کم سے کم دس سال کیا جائے۔

اس میٹنگ میں ضلع پونچھ کے اور تحصیل منڈی کے نجی اسکولوں کے متعدد ذمہ داران نے بھی شرکت کی۔ اس کی صدارت ریٹائرڈ زونل ایجوکیشن آفیسر میر محمد میر کررہے تھے۔

اس دوران پرنسپل ہائی سکول جامعہ ضیاالعلوم پونچھ وحید احمد بانڈے، پرنسپل سنت میلا ہائی اسکول پونچھ نہار سنگھ، پرنسپل اندرا میموریل ہائی سکول پونچھ راکیش پوری، عظیم ملک پرنسپل ضیاء اکیڈمی پونچھ، معشوق احمد پرنسپل ماڈرن پبلک سکول ہائی اسکول چنڈک، مقبول مخلص پرنسپل مدنی ایجوکیشن ٹرسٹ پونچھ کے علاوہ جامعہ فیض القران منڈی کے پرنسپل اسحاق احمد ملک، اقراء اکیڈمی کے پرنسپل مولانا بشیر احمد کے علاوہ دیگر نجی سکول کے ذمہ دارن نے شرکت کی

اس موقع پر تمام شرکا نے ایسوسی ایشن بنانے پر اتفاق کرتے ہوئے تمام مسائل پر متفقہ طور پر کام کرنے کا عزم کیا۔ پروگرام کے آخر میں پرنسپل جامعہ فیض القران قاسمی مارکیٹ منڈی نے تمام شرکاء کا شکریہ ادا کیا۔