پونچھ: جموں و کشمیر ٹیچر ایسوسی ایشن کے صدر اور اولڈ پینشن یونائیٹیڈ آل انڈیا فرنٹ کے کنووینئر بوپیندر سنگھ کی جانب سے پریس کانفرس کا اہتمام کیا گیا۔ اس دوران منڈی تحصیل کے متعدد اساتذہ نے شرکت کی۔ اس پریس کانفرنس کا مقصد ریبر تعلیم اساتذ ودیگر ملازمین کی اولڈ پنشن اسکیم بحال کرنے کے لیے حکومت پر زور دینا تھا۔ انہوں نے کہا کہ ملازمین اور اساتذہ کی اولڈ پنشن کو ختم کا گیا، لیکن سیاسی جماعتوں کے ایم ایل اے کو پنتیس سال کے بعد پنشن جاری کی جاتی ہے، لیکن اس کے برعکس ملازمین اساتذہ کو ساٹھ سال تک خدمات انجام دینے کے باوجود بھی پنشن سے محروم رکھا جا رہا ہے۔
مزید پڑھیں:
انہوں نے سرکار سے اپیل کرتے ہوئے کہا کہ اولڈ پنشن اسکیم کو سابقہ طرز پر نافذ کیا جائے اور جو اساتذہ آر ای ٹی بنیاد پر اپنے فرائض سر انجام دے رہے ہیں، ان اساتذہ کے لیے ٹرانسفر پالیسی کو بھی یقینی بنایا جائے، تاکہ اساتذہ کو کسی بھی قسم کی پریشانی کا سامنا نہ کرنا پڑے۔
