نمائندے کے مطابق ضلع کے منڈی علاقے میں کوروناوائرس کے بارے میں عوامی بیداری سے متعلق ایک مقامی غیر سرکاری تنظیم نے علامتی طور مفت ماسک تقسیم کیے۔
غیر سرکاری تنظیم سے وابستہ کارکنان نے منڈی کے بس اسٹینڈ، دکانداروں اور راہگیروں میں ماسک تقسیم کیے۔
اسکے علاوہ رضاکاروں نے کوروناوائرس سے بچاؤ کے طریقوں سے متعلق جگہ جگہ پوسٹرس چسپاں کیے اور عوام میں بھی تقسیم کیے۔
رضاکاروں نے عوام سے سرکار کی جانب سے وائرس کے پھیلاؤ سے متعلق احکامات اور ایڈوائزری پر من و عن عمل پیرا ہونے کی تلقین کی۔
قابل ذکر ہے کہ دنیا بھر میں کوروناوائرس کے سبب اب تک 6000قیمتی جانیں تلف ہو چکی ہیں جبکہ عالمی ادراہ صحت نے اس کوروناوائرس کو ’عالمی وبا‘ قرار دیا ہے۔
وائرس کے سبب جہاں اکثر ممالک میں عوام کو ایک جگہ جمع ہونے اور احتیاطی تدابیر اختیار کرنے پر زور دیا جا رہا ہے، وہیں جموں و کشمیر کے مختلف اضلاع میں انتظامیہ کی جانب سے دفعہ 144نافذ کیا گیا ہے۔
