خصوصی راحتی ڈپٹی کمشنر رنجن مہاپاترا نے کہا کہ کل ٹیم کو دو گروپوں میں بانٹا جائے گا اور سمندری طوفان سے سب سے زیادہ متاثرہ بھدرک اور جگت سنگھ پور اضلاع کا دورہ کیا جائے گا۔
ٹیم کے انچارج اور ٹیم کے چار اراکین کل شام بھونیشور پہنچے تھے اور آج صبح بھونیشور سے دو رکن دورہ کے لئے ٹیم میں شامل ہوئے۔ ٹیم کے چار اراکین نے آج بالاسور اور تین اراکین نے کیندر پاڑہ کا دورہ کیا۔ ٹیم چھ جون تک یہاں رہے گی۔
ابتدائی اندازہ کے مطابق 20مئی کو آئے طوفان سے ریاست کے دس اضلاع میں 44لاکھ سے زیادہ لوگ متاثر ہوئے اور ایک لاکھ ہیکٹیر سے زیادہ زمین پر فصل کو نقصان پہنچا ہے لیکن چار اضلاع بھدرک، بالاسور، کیندر پاڑہ اور جگت سنگھ پور سب سے زیادہ متاثر ہوئے۔
ٹیم کے اراکین کی دہلی واپسی سے پہلے ریاستی حکومت کے سینیئر حکام کے ساتھ میٹنگ طے ہے جس میں ریاستی حکومت کی طرف سے مدد کے لئے ٹیم کو ایک میمورنڈم سونپے جانے کی امید ہے۔
