تھانے شہر واقع نوپارہ پولیس کے مطابق بینک کی ای ایم آئی نہ جمع کر پانے پر گاہک کی ریکوری ہونے والی موٹر سائیکل کو دوسرے گاہک کو فروخت کر کےکمپنی کے ساتھ لاکھوں روپے کی دھوکہ دہی کرنے کا خلاصہ ہوا ۔
کچھ لوگوں نے پولیس سے شکایت کہ انہوں نے موٹر سائیکل خریدا لیکن اس کے دستاویزات نہیں مل رہے ہیں پولیس ٹیم نے جب تفتیش کیا تو اس پورے معاملے کا پردہ فاش ہوا ہے۔
تھانے کے سائی فائینانس میں کام کرنے والے ریکوری ایجنٹ کے ہیڈ دیپک سنگھ راوت میرا روڑ اور اصغر خان نامی ایجنٹ کو بھیونڈی سے گرفتار کرکے تھانے کی عدالت میں پیش کیا جہاں عدالت نے انہیں چار دن کی پولیس تحویل میں بھیج دیا ہے۔
تھانے شہر کے پنچ پکھاڑی واقع سائی پوائنٹ میں بطور ریکوری ایجنٹ ہیڈ راوت نے ماہانہ قسط ادا نہ کر پانے والے درجنوں موٹرسائیکل کو ریکوری کرکے اس کی اطلاع فائینانس کمپنی کو نہ دیتے ہوئے اسے دوسرے لوگوں کو فروخت کردیا اور وہ انہیں دستاویزات نہیں دے رہے تھے۔
جس کی شکایت موصول ہونے پر پولیس نے راوت اور خان کے علاوہ موٹر سائیکل چوری کرنے والے شیلیش اور سجیت سنگھ کو گجرات سے گرفتار کر کےان کی نشاندہی پر نوپاڑہ پولیس نے تھانے، الہاس نگر، کلیان بدلاپور، بھیونڈی،شیواجی نگر سے چوری کی جانے والی درجنوں موٹر سائیکل کو برآمد کرنے کا دعویٰ کیا ہے۔
