دھاولیکر مہاراشٹر وادی گومانتا پارٹی (ایم جی پی) سے تعلق رکھتے ہیں اور مسٹر سردیسائی گوا فارورڈ پارٹی (جی ایف پی) کے صدر ہیں۔
ایم جی پی اور جی ایف پی گوا میں بی جے پی کی قیادت والی حکومت میں اتحادی پارٹیاں ہیں اور دونوں ہی جماعتوں کے تین تین رکن اسمبلی ہیں۔
جی ایف پی کے تینوں ہی رکن اسمبلی ریاستی حکومت میں وزیر ہیں جبکہ ایم جی پی کے دو رکن اسمبلی وزیر اور ایک رکن اسمبلی گوا اسٹیٹ انفراسٹرکچر ڈیولپمنٹ کارپوریشن کے صدر ہیں۔
اس سے پہلے بی جے پی کے لیڈروں نے اتحادی جماعتوں کے ساتھ میٹنگ میں وزیراعلی کے عہدے کے لیے ڈاکٹر ساونت کے نام کی تجویز رکھی۔ ایم جی پی اور جی ایف پی نے اپنی پارٹیوں سے دو نائب وزیراعلی کے عہدہ کی مانگ کی۔
ریاست کی اتحادی حکومت کو بچائے رکھنے کے لیے اتحادی جماعتوں کے ساتھ تین آزاد اراکین اسمبلی کی حمایت نہایت اہم ہے۔
