ممبئی پولیس کمشنر سنجئے بروے آج سبکدوش، پرمبیر سنگھ نئے کمشنر مقرر

سنہ 1988 بیچ کے آئی پی ایس افسر اور انکاؤنٹر اسپیشلسٹ پرمبیر سنگھ کو ممبئی پولیس کا کمشنر مقرر کیا گیا ہے۔

قابل غور ہے کہ مہاراشٹر کے نائب وزیراعلی اجیت پوار کو سینچائی گھوٹالے میں پرمبیر سنگھ کے ذریعہ ہی کلین چٹ دی گئی تھی۔

ممبئی پولیس کمشنر سنجئے بروے آج سبکدوش ہورہے ہیں اور ان کی جگہ پرمبیر سنگھ کو نیا کمشنر مقرر کیا گیا ہے اور ان کی میعاد جون سن 2022 تک ہوگی۔

سنگھ کے مختلف حکومتوں کے رہنماؤں کے مابین اچھے تعلقات ہیں، اس سے قبل انہوں نے بطور تھانہ کمشنر کی حیثیت سے بھی خدمات انجام دی تھیں۔