اورنگ آباد کے سب سے بڑے سرکاری ہسپتال گھاٹی دواخانے میں آکسیجن کی قلت کا مسئلہ در پیش ہوسکتا تھا لیکن میڈیکل انتظامیہ کے ہنگامی اقدامات کرنے کی وجہ سے ایک بڑا حادثہ ٹل گیا۔
اورنگ آباد کے گھاٹی ہسپتال میں آکسیجن کی قلت
گھاٹی دواخانے میں کورونا کے سب سے زیادہ مریض زیر علاج ہیں، جن میں زیادہ تر وینٹیلیٹر یا آکسیجن پر ہوتے ہیں۔ ایسے میں آکسیجن کا ٹینکر اپنے مقررہ وقت پر نہیں پہنچ پایا۔
تاہم انتظامیہ نے فوری بیک اپ ایکٹیو کرکے حالات پر قابو پالیا۔ گھاٹی دواخانے کے آر ایم او ڈاکٹر جھینے کا کہنا ہیکہ حالات قابو میں ہیں اور کسی بھی مریض کو کوئی دشواری پیش نہیں آئی ہے، لیکن آکسیجن ٹینکر آنے میں کیوں تاخیر ہوئی ہے، اس کا خاطر خواہ جواب وہ نہیں دے پائے۔ واضح رہے گھاٹی دواخانے میں فی الحال دو ہزار سے زائد کورونا کے مریض زیر علاج ہیں۔
