مرکزی حکومت نے گذشتہ جمعہ کو اس معاملے کی جانچ این آئی اے کو سونپی تھی۔
پولیس ذرائع نے بتایا کہ مرکزی تفتیشی ایجنسی کی تین رکنی ٹیم پیر کی صبح پونے پہنچی اورسٹی پولیس کے عہدیداروں سے ملاقات کی۔
یہ معاملہ ذات پات پر مبنی تشدد سے متعلق ہے، جو یکم جنوری 2018 کو پونے ضلع میں کورے گاؤں-بھیما یدھ اسمارک کے پاس پیش آیا تھا۔
مرکز نے جمعہ کے روز پونے پولیس سے اس معاملے کی تحقیقات این آئی اے کے حوالے کردی ، جس کی ریاست میں شیوسینا، کانگریس اور نیشنلست کانگریس نے مذمت کی ہے۔
یکم جنوری 2018 کو کورے گاؤں بھیما جنگ کے 200 سال مکمل ہونے کے موقع پر منعقدہ پروگرام کے دوران تشدد پھیل گیا تھا۔ اس میں ایک شخص کی موت بھی ہوگئی تھی۔
پروگرام کے دوران کچھ لوگوں پر ذات پات پر مبنی تشدد کو بھڑکانے کا الزام بھی عائد کیا گیا تھا ، جس کے بعد ان کے خلاف مقدمہ درج کیا گیا تھا۔
