پیوش نے 49 ٹرین چلانے کا اعلان کیا ہے لیکن سینٹرل ریلوے کے اعلی افسران صرف 16 ہی ٹرین چلانے کی بات کر رہے ہیں۔
نواب ملک نے مرکزی حکومت پر الزام عائد کرتے ہوئے کہا کہ ریلوے وزیر گزشتہ 2 دنوں سے سیاست کر رہے ہیں اور یہ سیاست جان بوجھ کر کی جا رہی ہے۔ اس کی وجہ سے اسٹیشنوں پر بھیڑ بڑھ رہی ہے۔ مزدور پریشان ہو رہے ہیں۔
انہوں نے کہا کہ ممبئی میں 20 لاکھ سے زائد مزدوروں کو ان کے وطن بھیجنے کی ریاستی حکومت پوری کوشش کر رہی ہے لیکن مرکز کی جانب سے زیادہ ٹرینیں نہ فراہم کرنے کی وجہ سے ریاستی حکومت لاچار ثابت ہو رہی ہے۔
حالانکہ مرکزی حکومت کی جانب سے اضافی ٹرین کو لے کر مزدوروں نے راحت کی سانس لی لیکن بعد میں محکمہ ریلوے نے صرف 16 ٹرین پر ہی ہے حامی بھری۔
نواب ملک نے کہا کہ مرکز اپنی بات پر قائم رہتے ہوئے ایک دن میں 49 ٹرینیں روانہ کرے تاکہ اسٹیشنوں پر بھیڑ نہ ہو۔
