آدتیہ ٹھاکرے نے شیوسینا کے کارکنان پر ہفتہ وصولی کے الزامات کو بے بنیاد قرار دیتے ہوئے کہا کہ مقامی ہاکروں کی جانب سے ممبئی میں شیوسینا کے کارکنان پر ہفتہ وصولی کا الزام غلط ہے۔ انہوں نے کہا کہ شیوسینک پر یہ الزام کہ ہفتہ وصولی کرکے اس کی باقاعدہ رسید بھی دے رہے ہیں، سراسر غلط اور بے بنیاد ہے۔
آدتیہ ٹھاکرے نے میڈیا سے گفتگو کرتے ہوئے ایم این ایس کو نشانہ بنایا۔ انہوں نے کہا کہ آپ کو سوچنا چاہئے کہ آپ کی ایک سیاسی پارٹی ہے۔ چاہے تنظیم ہو یا ٹائم پاس گینگ لیکن آپ لوگوں کے پاس نہ تو اپنے کوئی کارکن ہیں نہ ورکرز ہیں۔ اس کے باوجود یہ لوگ اپنے کارکنان پر توجہ نہیں دیتے۔ میرے خیال میں اس پر توجہ دینے کی ضرورت بھی نہیں ہے۔
واضح رہے ایم این ایس کے سندیپ پانڈے نے شیوسینا پر تنقید کرتے ہوئے کہا تھا، 'میں نے تقریباً تین چار دن پہلے ٹویٹ کیا تھا۔ اس بیان نے شیوسینا کے کئی لوگوں کو جھنجھوڑ کر رکھ دیا تھا۔ لیکن ہفتہ وصولی چاہنے والوں کا ویرپن گروہ اس پورے ممبئی میں سرگرم ہوگیا ہے اور شیوسینا کے آشیرواد سے یہ ممکن ہو رہا ہے۔'
