ریاست مہاراشٹر کے مسلم اکثریتی شہر مالیگاؤں میں کارپوریشن انتظامیہ کی جانب سے کرکٹ ٹورنامنٹ چیمپ کرکٹ گراؤنڈ دابھاڑی روڈ پر منعقد کیا گیا۔ میئر طاہرہ شیخ, کمشنر دیپک ترنمبک کاسار اور ڈپٹی کمشنر نتین کاپڑنیس کے ہاتھوں اس ٹورنامنٹ کا آغاز عمل میں آیا۔
واضح رہے کہ اس ٹورنامنٹ میں مختلف ڈپارٹمنٹ کی کل پچاس ٹیموں نے حصہ لیا. اس کرکٹ ٹورنامنٹ کے شروعاتی کھیل میں مالیگاؤں الیکٹرانک میڈیا اور بجلی محکمہ کے درمیان کھیلا گیا۔ الیکٹرانک میڈیا نے ٹاس جیت کر پہلے بیٹنگ کرتے ہوئے کل 52 رن, 6 اوور میں بنائے۔ بعد ازاں سامنے والی ٹیم کو 45 رن پر آل آؤٹ کرکے شاندار پہلی جیت درج کی۔
اس پورے میچ کو عوام کے علاوہ انتظامیہ کے افیسران نے دیکھا اور میڈیا کے نمائندے کو جیت کی مبارکباد پیش کی۔ الیکٹرانک میڈیا ٹیم میں کپتان زاہد امین, نائب کپتان انّو فٹر, ویشال مورے, حامد حسن, امجد یوسف, عبداللہ انصاری, ایس این انصاری اور کوچ منصور اکبر نے میچ کھیل کر مالیگاؤں الیکٹرانک میڈیا کی کامیاب نمائندگی کی۔
