ریاست مہاراشٹر کے اورنگ آباد ضلع میں ایک بار پھر یومیہ دو سو سے زیادہ کورونا پازیٹیو مریض مل رہے ہیں، جس کو لیکر ایلورہ، اجنتا اور بی بی کا مقبرہ Tomb of BB, Ajanta and Ellora Cave Closed سمیت تاریخی اور سیاحتی مقامات کو بند کر دیا گیا۔ ضلع انتظامیہ کے ہنگامی فیصلے سے غیر ملکی اور مقامی سیاحوں کو اِن مقامات پر آنے کے بعد مایوسی کا سامنا کرنا پڑ رہا ہے۔
ضلع میں کورونا وبا کے دوران تیسری مرتبہ سیاحتی مقامات کو بند کردیا گیا ہے، اچانک کیے گئے اس فیصلے سے سیاحوں خاص طور پر غیر ملکی سیاحوں کو کافی دشواریوں کا سامنا کرنا پڑا، ریاست کے دیگر اضلاع سے اورنگ آباد کا رخ کرنے والے سیاحوں سیاحتی مقامات سے مایوسی کی حالت میں واپس لوٹنے پر مجبور ہیں۔
ضلع انتظامیہ کے احکامات کی روشنی میں اب سیاحتی مقامات کے قریب لگائے گئے ویکسی نیشن کیمپ کو بھی بند کردیا گیا ہے ۔
