انھوں نے کہا کہ حکومت کورونا وائرس کے تعلق سے عوام کو خوفزدہ کررہی ہے۔
اس طرح کا الزام ایم این ایس کے صدر راج ٹھاکرے نے ریاستی حکومت پر عائد کیا ۔
وہ چھتر پتی شیواجی مہاراج کی جینتی کے موقع پر اورنگ آباد کے دورے پر ہیں۔
راج ٹھاکرے کے دورے کی مناسبت سے ایم این ایس کی جانب سے طاقت کا مظاہرہ کرنے کے لیے بھرپور تیاریاں کی گئیں، بینر اور پوسٹرز لگائے گئے۔
بائیک پر ریلی اور شوبھا یاترا کا اعلان ہوا لیکن ضلع انتظامیہ نے بھیڑ جمع نہ کرنے کی اپیل کی جس سے ایم این ایس کے پروگرام پر سوالیہ نشان لگ گیا۔
ایسے میں ایم این ایس سربراہ راج ٹھاکرے نے اپنا سارا غصہ ریاستی حکومت اور میڈیا پر اتارا، راج ٹھاکرے کے مطابق احتیاط ٹھیک ہے لیکن عوام کو خوفزدہ کیا جارہا ہے جو مناسب نہیں ہے ۔
انہوں نے کہا کہ ’’میرا یہ کہنا ہیکہ اس کا تناسب کتنا ہے لوگوں کو خوفزدہ کیوں کیا جارہا ہے ، واٹس ایپ پر جو کچھ چل رہا ہے اور میڈیا تو ہے ہی، بیرونی ملکوں سے جو خبریں، آرہی ہیں اس کی وجہ سے لوگوں کو خوفزدہ کیا جارہا ہے ان ملکوں کی صورتحال مختلف ہے ، ان سے ہمارا موازانہ نہیں ہوسکتا ہے فی الحال صورتحال انتی تشویش ناک نہیں ہے ۔‘‘
