مرکز کی جانب سے مہاراشٹر کو مدد

ملک بھر میں کورونا کا قہر جاری ہے، وہیں سب سے زیادہ اس وبا سے مہاراشٹر متاثر ہیں، مرکزی حکومت کی جانب سے تمام ریاستوں کی مدد کی جارہی ہے۔

مرکزی حکومت کی جانب سے کورونا متاثر ریاستوں کو ماسک، پی پی ای کٹس، ٹیبلیٹ اور وینٹی لیٹر دیئے گئے۔

آر ٹی آئی سے موصول اطلاع کے مطابق 10 جولائی 2020 تک مرکزی حکومت نے پورے ملک میں 2.18 کروڑ این 95 ماسک، 1.21 کروڑ پی پی ای کٹ، 6.12 کروڑ ایچ سی کیو ٹیبلیٹ تقسیم کیے گئے۔

مہاراشٹر کی مہا وکاس اگھاڑی حکومت کو 21.84 لاکھ این 95 ماسک۔ 11.78 لاکھ پی پی ای کٹ، 77.20 لاکھ ایچ سی کیو ٹیبلیٹ اور 1805 وینٹی لیٹر دیئے گئے ہیں، جب کہ اس کی بہ نسبت دوسری ریاستوں کو اس سے کم دیئے گئے ہیں۔

پورے ملک میں 17938 وینٹی لیٹر کی ضرورت ہے جب کہ مرکزی حکومت نے صرف 9150 وینٹی لیٹر ہی مہیا کیے۔ موجودہ وقت میں وینٹی لیٹر کی سب سے زیادہ ضرورت ہے ۔

مرکزی حکومت نے چھتیس گڑھ، اترا کھنڈ ،چندی گڑھ، پدوچیری ،اوڈیشہ،کو پورے پورے وینٹی لیٹر تقسیم کیے گئے جبکہ سکم لکشدیپ اور لداخ ابھی وینٹی لیٹر نہیں دیئے گئے۔وہیں مہاراشٹر کو 1770 ،کرناٹک کو 1020 ،آندھر پردیش کو 914 اترپردیش کو 811 ، راجستھان کو 706 ،تمل ناڈو کو 529 وینٹی لیٹر کی ضرورت ہےَ