مہاراشٹر: اردو میڈیم طلبہ کا شاندارمظاہرہ

انجمن اسلام کی تمام شاخوں میں طلباء و طالبات سو فیصد کامیاب ہوئے ہیں انجمن اسلام سمیت انجمن خیر الاسلام,انجمن تبلیغ الاسلام سمیت متعدد اہم اردو میڈیم اسکولز کے طلباء و طالبات نے دسویں جماعت کے نتائج میں اعلی نمبرات سے کامیابی حاصل کی ہے۔

مہاراشٹر سیکنڈری اور ہائر سیکنڈری بورڈ 2020 دسویں نتائج جاری ہوئے ہیں۔ امسال کے دسویں کے نتیجہ میں 19.8 فیصد اضافہ ہوا ہے جبکہ 95.30 فیصد طلبا و طالبات کامیاب ہوئے ہیں۔ گزشتہ برس کا نتیجہ 77.04فیصد تھا لیکن امسال اس میں اضافہ درج کیا گیا ہے۔

ممبئی ڈویژن دیگر 9 ڈویژنز میں چوتھے مقام سے اول مقام پر پہنچاہے۔ ممبئی کے 3 لاکھ 31 ہزار136 طلباء نے امتحان میں شرکت کی تھی اس میں سے 3لاکھ 20ہزار 284 طلباء امتحان میں کامیابی حاصل کی ہے۔

ممبئی میں 75 فیصد سے نمبرات حاصل کر نے والوں کی تعداد ایک لاکھ 8ہزار49 ہے جبکہ 60فیصد سے زائد نمبرات حاصل کر نے والوں میں ایک لاکھ 17 ہزار819 طلباء شامل ہیں۔

ریاست میں پونہ, ناگپور,اورنگ آباد,ممبئی کولہاپور,امراؤتی,ناسک, لاتور,اور کوکن سمیت 9ڈویژنز میں 3 سے 23 مارچ تک دسویں کے امتحان منعقد کئے گئے تھے، لیکن کورونا وبا کے سبب جغرافیہ کا پرچہ منسوخ کر دیا گیا تھا۔

لاک ڈاؤن اور کورونا کے سبب نتائج کےسلسلے میں بورڈ کو محنت کرنا پڑا۔تاہم ان سب کے باوجود آج دسویں جماعت کے نتائج جاری کر دئیے گئے ہیں۔

ممبئی شہر و ریاست کےاردو میڈیم اسکولوں نے بھی اپنی محنت سے نہ صرف کامیابی کے پرچم بلند کئے ہیں بلکہ اردو میڈیم اسکولوں کے طلباء نے بہترین مظاہرہ کیاہے جس کے سبب اردو میڈیم اسکولوں کے حوصلے بلند ہوئے ہیں۔ اس میں کئی اسکولوں نے تو سو فیصد نتیجہ لایا ہے جبکہ دیگر اسکولوں میں کچھ بچوں کی ناکامی کے سبب نتیجہ میں فرق پڑا ہے لیکن مجموعی کارکردگی مطمئن رہی ہے۔

انجمن اسلام کی تمام شاخوں میں طلباء و طالبات سو فیصد کامیاب ہوئے ہیں انجمن اسلام سمیت انجمن خیر الاسلام,انجمن تبلیغ الاسلام سمیت متعدد اہم اردو میڈیم اسکولوں کے طلباء و طالبات نے دسویں جماعت کے نتائج میں اعلی نمبرات سے کامیابی حاصل کی ہے۔

انجمن اسلام کے صدر ڈاکٹر ظہیر قاضی نے کہا کہ انجمن اسلام کے اردو میڈیم اسکولوں سے لے کر انگلش میڈیم نے نمایاں کارکردگی کی ہے اور انجمن کے نتائج سو فیصدی رہے ہیں۔ انہوں نے کہا کہ یہ طلباء و طالبات کی محنت کا ثمرہ ہے لیکن انجمن اسلام کے عملہ اور اساتذہ کی محنت خاص کا بھی نتیجہ ہے اس سے قطع نظر نہیں کیا جاسکتا۔ انہوں نے کہا کہ انجمن اسلام کے تمام شاخوں میں تمام طلباء و طالبات کامیاب ہوئے ہیں باندرہ میں ہماری ایک بچی صرف بیماری کے سبب ناکام ہوئی ہے اس لئے وہاں کا 99فیصد نتیجہ رہاہے انہوں نے اردو میڈیم اسکولوں کی نمایاں کارکردگی پر مسرت کا اظہار کرتے ہوئے طلباء کیلئے آئندہ کے مستقبل کیلئے نیک خواہشات کا بھی اظہار کیا۔