مالیگاؤں:ریاست مہاراشٹر کے مسلم اکثریتی شہر مالیگاؤں کے بیلباغ علاقے سے تعلق رکھنے والے 20 برس کے حافظ محمد ریحان محمد حسن کی کسمبا گاؤں کے قریب سڑک حادثے میں موت واقع ہوگئی۔ عیدالاضحٰی کی تعطیلات کے بعد گذشتہ شب مالیگاؤں سے ڈابھیل مدرسہ کیلئے 35 طالب علموں کت ساتھ لگزری بس کے ذریعہ گجرات کے لئے روانہ ہوئے تھے۔
ملی تفصیلات کے مطابق بس کے ٹائر پھٹنے کی وجہ سے حادثے پیش آیا جس میں حفظ محمد ریحان جاں بحق ہوگئے۔ اس تعلق سے سماجی کارکن شفیق شیخ نے بتایا کہ 35 طالب علم کا قافلہ جو کہ عالمیت کے کورس کے لئے ڈابھیل مدرسہ کے لئے مالیگاؤں سے روانہ ہوا۔ تقریب مالیگاؤں سے 50 کلومیٹر کی دوری پر کسمبا گاؤں کے قریب لگزری بس کا ٹائر پھٹنے کے سبب حادثے پیش آیا۔ جس میں حافظ محمد ریحان کو سر میں شدید چوٹ لگنے کی وجہ سے خون زیادہ بہہ گیا فورا طبی امداد نہ ملنے کے سبب طالب علم کی موت ہوگئی۔
یہ بھی پڑھیں:Manhole Cover theft in Mumbai گٹر کے ڈھکن چوری کرنے والوں سے سختی سے نمٹنے کے لیے بی ایم سی اور ممبئی پولیس تیار
وہیں اس سلسلے میں بیلباغ کے سماجی کارکن سمیر زوہان نے بتایا کہ اس حادثے کے بعد بیلباغ علاقے میں غم کا ماحول پیدا ہوگیا ہے۔ واضح رہے کہ تمام قانونی کارروائی کے بعد لاش کو اہل خانہ کے سپرد کردیا گیا۔
