اورنگ آباد: مہاراشٹر کے اورنگ آباد میں ضلعی تبلیغی اجتماع سنیچر اور اتوار کے دن ہوا جس میں ہزاروں کی تعداد میں لوگوں نے شرکت کی۔ اجتماع گاہ میں آنے والے لوگوں کی صحت کا خیال رکھنے کے لیے اورنگ آباد ضلع کے ڈاکٹروں نے اجتماع گاہ میں میڈیکل کیمپ کا اہتمام کیا جس میں تمام تر جدید ٹیکنالوجی اور سہولیات دستیاب تھی۔ Aurangabad Tablighi Ijtema
اورنگ آباد میں دو روزہ تبلیغی اجتماع کی مناسبت سے شہر کے مسلم ڈاکٹروں نے پٹن تعلقہ کے چیتے گاؤں میں اجتماع گاہ کے قریب پانچ میڈیکل کیمپ لگائے ہر ایک کیمپ میں دو ماہر ڈاکٹروں کے علاوہ دس سے پندرہ ڈاکٹروں کی ٹیم اجتماع میں شامل افراد کی صحت کا خیال رکھ رہی تھی، ڈاکٹروں کا کہنا ہے کہ کیمپ تمام تر جدید ٹیکنالوجی اور سہولیات سے آراستہ تھا، او پی ڈی کے علاوہ آئی سی یو کا بھی انتظام کیا گیا تھا تاکہ دور دراز علاقوں سے پہنچنے والے افراد کو کوئی دشواری نہ ہو۔ واضح رہے کہ اورنگ آباد ضلع کا دو روزہ اجتماع چیتے گاؤں میں ہوا۔ پہلے دن سے ہی ہزاروں مندوبین اجتماع میں پہنچے اور اتوار کے دن بعد نماز عشاء دعا کے بعد اجتماع کا اختتام ہوا۔ Aurangabad Tablighi Ijtema
یہ بھی پڑھیں : Aurangabad Tablighi Ijtema اورنگ آباد میں تبلیغی اجتماع کا آغاز
