ممبئی: ریاست مہاراشٹر کے دارالحکومت ممبئی کے مینارہ مسجد کی گلیوں میں واقع باپو کے دہی وڑے کا ذکر دور دور تک ہوتا ہے۔ یہی سبب ہے کہ ادنیٰ سے اعلیٰ ہر ایک اقبال باپو کے 'دہی وڑے' خریدنے کے لیے مقررہ وقت پر ان گلیوں میں نمودار ہوتا ہے۔ محض دو گھنٹوں کے لیے باپو کی اس دوکان کھلنے کے لیے پوری ممبئی کے لوگ منتظر رہتے ہیں کیونکہ باپو کے اس دہی وڑے کا جو مزہ ہے وہ کہیں اور نہیں ہے۔ باپو کہتے ہیں سب کچھ ہوم میڈ ہوتا ہے۔ مسالہ کون سا استعمال کرتے ہیں، یہ ایک راز ہے اور سب سے اہم یہ کہ اس کی قیمت کوئی زیادہ نہیں ہے۔' The famous Bapu's Dahi Vada on Muhammad Ali Road
یہ بھی پڑھیں: Flourished Bhindi Bazaar: پولیس کی سختیوں سے بھنڈی بازار کے کاروباری پریشان
باپو کہتے ہیں کہ 'دو گھنٹے میں ہی اتنی بھیڑ ہو جاتی ہے کہ میرے سارے دہی وڑے فروخت ہو جاتے ہیں۔ اکثر گاہک وقت اور مقدار بڑھانے کی بات کرتے ہیں لیکن یہ میرے لیے ایک مشکل کام ہے۔ اسی لیے محض 2 گھنٹے کی لگنے والی دوکان سے خریداری کے لئے فلم انڈسٹری کے لوگ بھی آتے ہیں لیکن وقت پر آنا ان کے لیے بھی لازمی ہے۔' باپو گجراتی زبان میں بھلے آدمی کو کہتے ہیں اور اسی تناظر میں اقبال بھائی کو لوگ باپو کے لقب سے نوازتے ہیں۔